dec

11122009

夜晚將個電視搬去電腦個位，我又見到好多蟲仔，唔知想點，o係呢d位都勁多蟲…好嬲

換個mon o個時發現條線係連住個主機，我要去荃豐買過條….好難頂，我連難開間房都有困難。

而家個電視做埋mon，可以睇畫中畫電視，唔錯~

12122009

同markchu炳文老湯根叔去左妹記食野，幾好味呢~ markchu搵到新工，要搭車去屯門番~有日去左九龍灣番，我話搭12蚊小巴入去都抵，又快。佢話貴過地鐵好多，我又唔記得佢用既係老人八達通，o個時我地準備入閘，諗住睇佢試範點用老人八達通入閘，點知佢冇用到，佢話佢唔會take risk，riskfree。佢話咁耐以黎只係畀人捉過一次，仲買左地鐵既股票黎對沖被捉既風險~

13122009

今日去中大影相，肥雞出左黎玩，佢好開心呀~飲左茶，都唔係肥叔叔所講咁難食，好過頹福好多呢~條百萬大道畀d booth遮住晒，仲有隻巨貓畀d細路玩，同fun fair係冇分別! 見到吳老太既同事，o係新亞o個度，呢ja人已經用腳架影左好耐，佢地影完我行去影，佢o係前面幫佢女朋友影緊，佢呼喝我，示意我阻住佢，跟住有個女仔行去影，佢大聲咁話”小姐”，嘩!教書教到佢咁，我忍唔住話 嘩咁有禮貌既，陳維尼話係咪你買左，但條友應該係聾~!~!仲有，我唔明個女仔點忍佢，係我我一定會話佢，再同我呢d受害者道歉，個女仔都係d唔太要面既人~係咁叫太太番到學校唱衰佢~!~!

16122009

派了炳記牛牛去交收sammi yellow cow ticket，因為我受唔住個賣家...我完全理解唔到d人點解可以咁不負責任。往後幾日，我都係等了又等。多謝ms joey代我去tst peach john，可惜要買既野又買唔到，請問有咩係買到。我同炳記去左千色店，我買左lego燈，好可愛，佢以為我買畀人，所以冇出聲話我~..~我諗住買多個畀王小姐，我問炳記如果你收到會唔會好開心，佢話覺得幾得意，但唔會特別開心，憑佢呢句，我買左foreverfds小公仔一隻。counter個職員提醒我要將個袋既拉鏈拉好

17122009

今朝搭巴士，有個乘客提我要拉好拉鏈。

睇了<<新世紀福音戰士 破>>，感覺都係 新不如舊，尤其對於新加入既角色。裡面幫docomo ucc panasonic賣廣告..好funnnny~~好想買之前ucc出o個set一套六罐既ucc咖啡，好靚好靚好靚。

18122009

約王小姐前我去左pj，都係買左條under，d packing好好好靚，再講十次，日本有咩唔靚?冇。步姐靚步姐用d靚仲靜，連契媽開既pj都咁靚。多謝王小姐’s腸仔+starbucks杯~好幸福~

19122009

今日羊好準時，好surprised~好興奮~去左mk，買左薯條食，收錢個男人又係一個懞炳，手腳又[慢，火都黎埋，換左筒新單，見唔到個number，條笨野仲亂up話係285號，好彩笨笨見到有個人拎主 285，佢話頭先排隊見到後面個人係280，我地應該係279~

夜晚去睇ekin演唱會~emin唱快歌完全唔掂~…我地唱仲high過佢，佢encore左幾次，完埋都係11點4~有次仲只係就咁行出黎講句野就落番去，唔知係咪玩野~

20122009

全日留左o係屋企，重睇twilight~

23122009

琴晚砌聖誕樹既時候見到聖誕樹爛左，今日晏晝又買唔到~多謝炳文送既聖誕樹，好快手掛埋d聖誕飾物。

ms joey @ tst

27112009

放工後同ms joey去行街街，我完全唔記得左我地出黎既目的係要同佢去買$50褲~ ..o係citysuper買左paul smith x evian~好開心啊$99，得意之作~ms joey讓左kawaii條legging畀我啊 ~萬二分感謝~買到kawaii tv’s貨物~

ms. Joeyo係peachjohn買左個千鳥格brabra..~係peachjohn自出限量粉紅x啡色間之後既最佳出品~

去左搵$50褲，成間野都係賣accessories，我地o係間野周圍行，最後去問有冇legging賣，原來o係上面，好難頂，明明半件衫都見唔到都問有冇legging賣，呢間野d衫好鬼抵啊~有條legging超靚，上面白色，下面好似皮咁!!$60ja!!至抵價啊!但冇晒貨，話可能下星期番，下星期要開始打電話啊~另外本身joey想買o個條經已賣晒，連睇都冇得睇~近排想買乜都買唔到，好可惡!

我地十二點幾去旺角食試食cupcake…間野開到鬼咁後，o係好景o個邊，我地仲搞錯左，以為間簿餅店係間cupcake，原來隔離o個間先係，閂左閘九年，特登搭$8.2巴士過黎，食唔到!忍唔住踢閘一下~

去買輕鬆飲，本想飲貢茶，經過o個陣見到好多人排隊，打消左個念頭，但買完輕鬆飲，見到貢茶係零個人排隊!離晒譜…搞到joey飲左波霸奶茶…呢個名好嘔..~

王小姐

24112009

夜晚同王小姐去neway唱歌仔，有差一剎的地老天荒唱勒，唱左三次，呵呵呵好興奮。

北上

22112009

今日同根叔雞小妹北上尋歡~

先去東門

好多年冇去過，雞小妹買左老翻dvd，但我唔多覺有成個season壓做一隻既dvd賣。

老街站個地圖勁廢，完全冇show d 大廈商場名，去到地面，見到有一條map，我地o係天虹商場既北面，咁我地調番轉頭行，應該直行就係，點知之後問人點去，原來個動漫城o係我地本身個位既隔隔離條街，我地dull左個巨圈。 大陸d map好好好廢!~

途中見到個遊樂場，有迷利版g force..過山車..海盜船..好多坐上去會冇命既機動遊戲!..仲見到之前o係fb見到人地o係紐西蘭玩既zorb..既水上版...funnny~雞小妹話即係=旺角有個遊樂場一樣.，好誇張!

我地搵到天虹商場，對面就係動漫城，一野衝左上去，半本漫畫都見唔到，個心勁離!!好彩地下o個層係正常，o係第一間漫畫店買左潘多朵之心 1-9，o係隔離o個間買埋10，仲有本畫冊~..兜左個圈，見到三次波波先生!~波波好紅~再番番去間漫畫舖買埋本8.5 guide..仲買左一套五本海貓鳴泣之時，雞小妹話o岩勒買埋喇完晒唔使追~...送左張vip卡~哈哈哈~d漫畫真係好好好抵，平時香港買$28 呢度買 rmb9.8 好難唔買!

由條多人到嘔既大街行去地鐵站...去左老屈，買左之前張太托老師去泰國買既garnier暗瘡膏，賣rmb37~幾抵，可以唔使等人去泰國先入到貨~niceeeee~老屈自己出左好多護膚品!!..佔左至少六個架! 仲要價錢一d都唔平~

搭地鐵去書城，我同根叔將d野放o係locker，d locker免費，未夠，好先進，禁個制個locker門就會打開，會出張紙，上面有個barcode，拎野o個陣du番個barcode就得!!!

根叔買左三隻cd，佢之後仲話o個隻李玖哲之前48蚊都唔捨得買，等到而家 35蚊先買。佢一心黎買o個隻cd冇得賣，職員同佢講上次退貨既時候退回!hahahah!!

搭地鐵去世界之窗站食自助餐~四海一家~個商場好多名店，高級地方~有2層既burberry..又有armani..

我地去之前擔心唔夠人民幣，勁緊張咁打去問收唔收港紙~..好彩唔收加一 o岩o岩好夠錢比~

o個度好好好靚，好大大~有酥皮焗魚翅x，好美味，有煎餓肝，點心..成個迴轉壽司，啤酒紅酒任飲..有小丑扭波波，有人彈三角琴..仲有locker，可以放低d野成檯一齊去拎野食~..我拎左西紅柿汁當左西瓜汁畀根叔飲 hahahahah~

飽到癲番香港~我地決定左今年聖誕北上慶祝~好抵玩~

又一城

20112009

放工後同ms joey去又一城~..晏晝佢話今日要去bobbibrown..實在太o岩，我同佢d野都用無可用，唔買聽日就冇得用..搞到一定要去呢~佢有張crabtree換熊仔coupon~之前仲勁驚畀人換晒，佢話人地會o係佢遠處行過黎o個陣叫佢唔好黎，話已經換晒~hahahha~好彩有大量~..

去左logon~好多聖誕裝飾~nicenicenice買左”開窗”朱古力，24蚊ja~佢話留下taste賣緊40蚊~woow

taste好多聖誕版朱古力，全部都好靚好幸福，不過好貴，尤其我鍾意食o個隻lindt~見到羊好似上年聖誕買畀我o個款packing，要一百四十幾蚊，好好好貴~

之後joey走左，我去左kiehl’s，本來只係諗住買支潤唇膏畀炳文~~手痕買左eyecream，見到癌症絲帶同kiehls出左handcream，好靚…可惜我唔用handcream~